Hagnýtar upplýsingar

Ef frekari upplýsingar vantar er hægt að hafa samband við afgreiðslu Herjólfs í síma 481-2800 eða herjolfur@herjolfur.is

Opnunartími afgreiðslu Herjólfs

Afgreiðsla Herjólfs er opin alla daga frá kl. 06.30 til kl. 23:00 þegar siglt er frá Landeyjahöfn.

Afgreiðsla Herjólfs er opin alla daga frá kl. 06.30 til kl. 20:45 þegar siglt er frá Þorlákshöfn.

Mæting 30 mínútum fyrir brottför

Við vekjum athygli á að mikilvægt er að farþegar mæti til innritunar eigi síðar en 30 mínútum fyrir auglýsta brottfarartíma. Allir farþegamiðar eru skannaðir inn þegar farið er um borð í ferjuna.

Bílastæði

Farþegar geta nýtt sér bílastæði við Landeyjahöfn og Þorlákshöfn án gjalds. Vinsamlegast athugið að rekstraraðili ferjunnar ber ekki ábyrgð á ökutækjum sem geymd eru við þessa staði.

Að komast á staðinn

Almenningssamgöngur í tengslum við siglingar Herjólfs eru í boði en rútuferðir frá Mjódd í Reykjavík. Allar nánari upplýsingar um ferðir eru veittar á vef Strætó www.straeto.is. (Nánar hér) Vert er að taka fram að þessar áætlunarferðir eru ekki á vegum Herjólfs.

Við vekjum athygli á að akstur á milli Landeyjahafnar og höfuðborgarsvæðisins tekur um tvær klukkustundir í góðu færi. Farþegar eru hvattir til að gefa sér góðan tíma og virða hraðatakmarkanir. Aðgætið með góðum fyrirvara að bíllinn sé vel og rétt búinn fyrir ferðalagið til að minnka hættu á töfum á leiðinni.

Dýraríkið - Gæludýr

Frá og með föstudeginum 10.maí 2019. Tekin var ákvörðun eftir samtöl við dýralækna að óráðlegt sé að ferjan leggi til hundabúr þar sem fjölmargir hundar dvelja í á meðan siglingu stendur. Ástæðan er sú að aðstaðan getur valdið þeim óþarfa álagi. Að því sögðu verður farþegum boðið sem ferðast með hunda og/eða önnur gæludýr uppá aðstöðu í „dýraríkinu“ fyrir eigin búr. Jafnframt geta eigendur sem ferðast í bílum haft gæludýr sín í eigin bifreiðum.